എ.കെ 47 തോക്കിന്റെ ഉപജ്ഞാതാവ് മിഖായേല്‍ കലാഷ്‌നിക്കോവ് അന്തരിച്ചു

മോസ്‌കോ: എ.കെ 47 തോക്കിന്റെ ഉപജ്ഞാതാവ് മിഖായേല്‍ കലാഷ്‌നിക്കോവ് (94)  അന്തരിച്ചു.  ആന്തരിക രക്തസ്രാവത്തെ തുടര്‍ന്ന് നവംബറില്‍ ആശുപത്രിയില്‍ പ്രവേശിപ്പിച്ചിരുന്ന മിഖായേല്‍ അത്യാഹിത വിഭാഗത്തില്‍ കഴിയുകയായിരുന്നു.  അസുഖം മൂര്‍ച്ഛിച്ചതിനെ തുടര്‍ന്ന് തിങ്കളാഴ്ചയാണ് അന്ത്യം. ഇരുപതാമത്തെ വയസിലാണ് മിഖായേല്‍ എ.കെ 47 തോക്ക് നിര്‍മ്മിച്ചത്.

1919 നവംബര്‍ 10ന് സൈബീരിയയിലാണ്  ജനിച്ചത്. പതിനെട്ടു സഹോദരങ്ങളാണ്  കലാഷ്‌നിക്കോവിനുണ്ടായിരുന്നത്. 1938 ല്‍ റെഡ് ആര്‍മിയില്‍ ചേര്‍ന്ന മിഖായേല്‍ കൂടെ  ജോലിചെയ്തിരുന്ന സൈനികന്റെ നിര്‍ദേശമനുസരിച്ച് ഒരു യന്ത്രത്തോക്കിന് രൂപകല്പന നല്‍കുകയായിരുന്നു.

1947 ല്‍ ആണ് എ.കെ 47 തോക്കിന്റെ നിര്‍മ്മാണം പൂത്തിയായത്. രണ്ടുവര്‍ഷം കഴിഞ്ഞ് തോക്ക് റഷ്യന്‍ സൈന്യം ഏറ്റെടുത്തു. 80 വയസിലും ആദ്യമായി എ.കെ 47 നിര്‍മ്മിച്ച കമ്പനിയിലെ മുഖ്യ ഡിസൈനറായി ജോലി നോക്കിയിരുന്നു മിഖായേല്‍.

ആര്‍ക്കും അനായാസം ഉപയോഗിക്കാവുന്ന തോക്ക് നിര്‍മ്മിച്ചതിനെപ്പറ്റി മിഖായേല്‍  ഒരിക്കല്‍ പറഞ്ഞത് ;ഈ തോക്കുകൊണ്ട് ക്രിമിനലുകള്‍ വെടിയുതിര്‍ക്കുന്നതു കാണുമ്പോള്‍ വേദനയുണ്ടെന്നും ഇതിനേക്കാള്‍ പുല്‍ത്തകിട് വെട്ടാനുള്ള മോവറുണ്ടാക്കിയാല്‍ മതിയായിരുന്നു എന്നുമാണ്.

നിരോധിത പാന്‍മസാലയുമായി യുവാവ് അറസ്റ്റില്‍