പീഡന ദൃശ്യങ്ങള്‍ പകര്‍ത്തി രസിക്കുന്ന ഫുട്‌ബോള്‍ കോച്ചിനെ കള്ളന്റെ സഹായത്തോടെ പിടികൂടി

മാഡ്രിഡ്: കള്ളന്റെ സഹായത്തോടെ പീഡന വീരനെ പോലീസ് അറസ്റ്റ് ചെയ്തു. സ്‌പെയിനിലെ ജീന്‍ നഗരത്തിലാണ് സംഭവം. കുട്ടികളെ ലൈംഗികമായി പീഡിപ്പിച്ച് ദൃശ്യങ്ങള്‍ പകര്‍ത്തുന്നത് പതിവാക്കിയ ഫുട്‌ബോള്‍ കോച്ചായ ലിയോണ്‍ വാട്ട്‌സണിനെയാണ് മോഷ്ടാവിന്റെ സഹായത്തോടെ പോലീസ് പിടികൂടിയത്.

പരിശീലനത്തിനെത്തുന്ന അഞ്ച് മുതല്‍ 10 വയസ് വരെയുള്ള കുട്ടികളെ ഇയാള്‍ വര്‍ഷങ്ങളായി പീഡിപ്പിച്ചു വരുന്നതായി അന്വേഷണത്തില്‍ തെളിഞ്ഞിട്ടുണ്ട്. ഫുട്‌ബോള്‍ കോച്ചിന്റെ വീട്ടില്‍ നിന്നും ക്യാമറകളും ചില വീഡിയോ ടേപ്പുകളും മോഷ്ടിച്ചിരുന്നു. ഇതില്‍ വീഡിയോ ക്ലിപ്പ് പരിശോധിച്ചപ്പോഴാണ് കുട്ടികളെ പീഡിപ്പിക്കുന്ന ദൃശ്യം മോഷ്ടാവിന്റെ ശ്രദ്ധയില്‍ പെട്ടത്. ഉടന്‍ പബ്ലിക് ടെലിഫോണ്‍ ബൂത്തില്‍ പോയ മോഷ്ടാവ് തന്റെ കയ്യില്‍ ഞെട്ടിപ്പിക്കുന്ന ചില വീഡിയോ ദൃശ്യങ്ങളുണ്ടെന്നും ഒരു മോഷണത്തിനിടയില്‍ ലഭിച്ചതാണെന്നും നഗരത്തില്‍ ഒരു കാറിന്റെ പിന്‍ സീറ്റില്‍ വീഡിയോ ടേപ്പ് വെച്ചിട്ടുണ്ടെന്നും അറിയിച്ചു.

കള്ളന്റെ സന്ദേശം ലഭിച്ച പോലീസ് ഉടന്‍ നഗരത്തിലെത്തുകയും വീഡിയോ ക്ലിപ്പ് പരിശോധിക്കുകയുമായിരുന്നു. കള്ളന്റെ സന്ദേശം വ്യാജമായിരിക്കാമെന്ന നിഗമനത്തിലായിരുന്ന പോലീസ് ടേപ്പിലെ വീഡിയോ ദൃശ്യങ്ങള്‍ കണ്ടപ്പോള്‍ ഞെട്ടിപ്പോയി. നഗരത്തിലെ ഒരു പ്രമുഖ ഫുട്‌ബോള്‍ കോച്ചാണ് പ്രതിയാണെന്ന് മനസിലാക്കിയ പോലീസ് ഉടന്‍ ഇയാളെ അറസ്റ്റ് ചെയ്തു.

ഇയാളുടെ വീട്ടില്‍ നടത്തിയ റെയ്ഡില്‍ മറ്റുചില വീഡിയോ ടേപ്പുകളും പോലീസിന് ലഭിച്ചു. ഇവ പരിശോധിച്ചു വരികയാണ്.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കെവാര്‍ത്തയിലൂടെ അറിയാം.

Keywords : World, Arrest, Molestation, Football, Police, Robbery, Leon Watson, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more, Kerala culture, Malayalam comedy, Malayalam news channel, Kerala news paper, News malayalam, Today news paper, Today cricket news, Malayalam hot news, Malayalam Kathakal, Live Malayalam News, News Kerala, Malayalam gulf news.