ബംഗളൂരു: (KVARTHA) ബെംഗളൂരു മെട്രോപൊളിറ്റൻ ട്രാൻസ്പോർട്ട് കോർപ്പറേഷൻ (ബിഎംടിസി) എസി ഇലക്ട്രിക് ബസ് സർവീസ് ആരംഭിക്കുന്നു. ഇതിന്റെ മുന്നോടിയായി വിമാനത്താവളത്തിലെ ചാർജിങ് സ്റ്റേഷൻ നിർമ്മാണം പൂർത്തിയായി.

അടുത്ത മാസത്തോടെ ബിഎംടിസിക്ക് ലഭിക്കുന്ന 58 എസി ഇലക്ട്രിക് ബസുകൾ കാടുഗോഡി, മജസ്റ്റിക്, ബനശങ്കരി, സിൽക്ക്ബോർഡ്, അത്തിബലെ ഡിപ്പോകളിൽ നിന്ന് ബെംഗളൂരു വിമാനത്താവളത്തിലേക്ക് സർവീസ് നടത്തും. നിലവിലുള്ള ഡീസൽ എസി വായുവജ്ര ബസുകൾക്ക് പകരമായാണ് ഈ ഇലക്ട്രിക് ബസുകൾ സർവീസ് നടത്തുക. ഈ വർഷം മാത്രം 320 എസി ഇലക്ട്രിക് ബസുകളാണ് വാടകക്കരാർ അടിസ്ഥാനത്തിൽ ബിഎംടിസിക്ക് ലഭിക്കുക.

നിലവിൽ 450 ഡീസൽ എസി ബസുകളാണ് ബിഎംടിസി സർവീസ് നടത്തുന്നത്. സാമ്പത്തിക ബാധ്യത കാരണമാണ് പുതിയ ബസുകൾ വാങ്ങുന്നതിന് പകരം വാടകക്കെടുക്കുന്നത്. ഡീസൽ ബസുകളെ അപേക്ഷിച്ച് ഇലക്ട്രിക് ബസുകൾക്ക് പ്രവർത്തനച്ചെലവ് കുറവാണ്. എസി ബസുകൾക്ക് ഒരു കിലോമീറ്ററിന് 65 രൂപയും നോൺ എസി ബസുകൾക്ക് 51 രൂപയുമാണ് ബിഎംടിസി സ്വകാര്യ കമ്പനിക്ക് നൽകുന്നത്.

ഈ ബസുകളുടെ ഡ്രൈവർമാരെ കമ്പനി നിയമിക്കും, കണ്ടക്ടർമാരെ ബിഎംടിസി നൽകും. ഒറ്റ ചാർജിംഗിൽ ഈ ബസുകൾക്ക് 300 കിലോമീറ്റർ വരെ സഞ്ചരിക്കാൻ സാധിക്കും. 12 വർഷത്തേക്കാണ് ബസുകൾ ഓടിക്കുന്നതിനുള്ള കരാർ നൽകിയിരിക്കുന്നത്.

ഈ വാർത്തയെക്കുറിച്ചുള്ള അഭിപ്രായങ്ങളും ഇത് സംബന്ധിച്ച് നിങ്ങൾ അറിയുന്ന മറ്റ് കാര്യങ്ങളും കമന്റ് ബോക്സിൽ പങ്കുവെക്കുക. സുഹൃത്തുകൾക്ക് ഈ വിവരങ്ങൾ എത്താനായി ഷെയർ ചെയ്യാനും മറക്കരുത്.

Summary: Bengaluru Metropolitan Transport Corporation (BMTC) is launching AC electric bus services, with the charging station at the airport ready. 58 buses will operate to the airport from various depots next month, replacing diesel AC buses. BMTC will receive 320 electric AC buses this year on a lease basis.

#Bengaluru, #ElectricBus, #BMTC, #GreenTransport, #EnvironmentFriendly, #SustainableTravel