തിരുവനന്തപുരം: (KVARTHA) മൃഗശാലയിൽ നിന്ന് വീണ്ടും മൂന്ന് പെൺ ഹനുമാൻ കുരങ്ങുകൾ കൂട്ടിൽ നിന്ന് രക്ഷപ്പെട്ടു. 2023-ൽ സമാനമായ സംഭവം നടന്നിരുന്നുവെന്നും, അന്ന് രക്ഷപ്പെട്ട കുരങ്ങും ഈ കൂട്ടത്തിലുണ്ടെന്നും റിപ്പോർട്ടുകളുണ്ട്.

തിങ്കളാഴ്ച് മൃഗശാല അവധിയാണ്. രാവിലെ ഏഴ് മണിയോടെയാണ് കുരങ്ങുകളെ കാണാതായത്. മൃഗശാല അധികൃതർ അറിയിച്ചതനുസരിച്ച്, കുരങ്ങുകൾ മൃഗശാലയ്ക്ക് സമീപത്തെ പ്രദേശങ്ങളിൽ തന്നെ ഉണ്ടാകാനാണ് സാധ്യത. ജീവനക്കാർ കുരങ്ങുകളെ  കണ്ടെത്താനുള്ള ശ്രമത്തിലാണ്.

ഇന്ത്യയിലെ ഏറ്റവും പഴക്കം ചെന്ന മൃഗശാലകളിൽ ഒന്നാണ് തിരുവനന്തപുരം മൃഗശാല. കേരളത്തിലെ തിരുവിതാംകൂർ രാജവംസത്തിന്റെ സമ്പന്നമായ പൈതൃകവുമായി ഇത്  ബന്ധപ്പെട്ടിരിക്കുന്നു. 1830-1846 കാലഘട്ടത്തിൽ തിരുവിതാംകൂർ ഭരിച്ചിരുന്ന സ്വാതി തിരുനാൾ രാമവർമ്മയാണ് ഈ മൃഗശാലയുടെ സ്ഥാപകൻ എന്നു പറയാം.

സ്വാതി തിരുനാൾ, ഒരു കലാകാരനും സംഗീതജ്ഞനുമായിരുന്നതിനൊപ്പം പ്രകൃതിയോടും ജീവജാലങ്ങളോടും അഗാധമായ അഭിരുചി പുലർത്തിയിരുന്നു. തന്റെ കുതിരവളർത്തൽ കേന്ദ്രത്തിൽ ആനകളടക്കം വിവിധതരം മൃഗങ്ങളെ വളർത്തിയിരുന്ന സ്വാതി തിരുനാൾ, തിരുവനന്തപുരത്ത് ഒരു ചെറിയ മൃഗശാല സ്ഥാപിക്കുകയും കടുവകൾ, പാന്തർ, ചീറ്റകൾ, മാനുകൾ, കരടികൾ, ഒരു സിംഹം എന്നിവയെ അവിടെ പാർപ്പിക്കുകയും ചെയ്തു.

എന്നാൽ, ഈ മൃഗശാലയുടെ വളർച്ചയ്ക്കും വികാസത്തിനും പ്രധാന പങ്കു വഹിച്ചത് അദ്ദേഹത്തിന്റെ സഹോദരനായ ഉത്രം തിരുനാൾ മാർത്താണ്ഡ വർമ്മയായിരുന്നു. മാർത്താണ്ഡ വർമ്മയും അന്നത്തെ ബ്രിട്ടീഷ് റസിഡന്റ് ജനറൽ കുള്ളനും ചേർന്ന്, സ്വാതി തിരുനാളിന്റെ ഈ ആശയത്തെ വികസിപ്പിച്ചെടുത്തു. ഇവരുടെ സംയുക്ത ശ്രമഫലമായി തിരുവനന്തപുരത്ത് നേപ്പിയർ മ്യൂസിയവും മൃഗശാലയും സ്ഥാപിതമായത്.

#ThiruvananthapuramZoo #HanumanLangurs #AnimalEscape #Wildlife #Kerala #ZooNews