Alert | യാത്രക്കാർ ശ്രദ്ധിക്കുക: കോയമ്പത്തൂർ വഴി ഓടുന്ന ട്രെയിൻ സർവീസുകളിൽ മാറ്റം; ചില വണ്ടികൾ ഭാഗികമായി റദ്ദാക്കി, മറ്റുചിലത് വഴിതിരിച്ചുവിടും 

പാലക്കാട്: (KVARTHA) സേലം റെയിൽവേ ഡിവിഷനിലെ ട്രാക്കുകളിലെ അറ്റകുറ്റപ്പണിയുടെ ഭാഗമായി സെപ്റ്റംബർ ആറ് മുതൽ ട്രെയിൻ സർവീസുകളിൽ മാറ്റങ്ങൾ. ചില ട്രെയിനുകൾ പോദനൂർ ജംഗ്ഷനിൽ നിർത്തും, മറ്റു ചിലത് വഴിതിരിച്ചു വിടുമെന്നും ദക്ഷിണ റെയിൽവേ അറിയിച്ചു.

ഭാഗികമായി റദ്ദാക്കി

* സെപ്റ്റംബർ ആറിന് രാവിലെ 07.20 മണിക്ക് പാലക്കാട് ടൗണിൽ നിന്ന് പുറപ്പെടുന്ന ട്രെയിൻ നമ്പർ 06806 പാലക്കാട് ടൗൺ-കോയമ്പത്തൂർ ജംഗ്ഷൻ മെമു പോദനൂർ ജംഗ്ഷനിൽ യാത്ര അവസാനിപ്പിക്കും. പോദനൂർ ജംഗ്ഷനും കോയമ്പത്തൂർ ജംഗ്ഷനും ഇടയിലുള്ള സർവീസ് റദ്ദാക്കി.

പുറപ്പെടലിൽ മാറ്റം

* ട്രെയിൻ നമ്പർ 06805 കോയമ്പത്തൂർ ജംഗ്ഷൻ-ഷൊർണൂർ ജംഗ്ഷൻ മെമു സെപ്റ്റംബർ ആറിന് രാവിലെ പോദനൂർ ജംഗ്ഷനിൽ നിന്ന് 12.05ന് പുറപ്പെടും. കോയമ്പത്തൂർ ജംഗ്ഷനും പോദനൂർ ജംഗ്ഷനും ഇടയിലുള്ള സർവീസ് റദ്ദാക്കി.

വഴിതിരിച്ചുവിടും 

* സെപ്റ്റംബർ ആറിന് രാവിലെ ആറ് മണിക്ക് ആലപ്പുഴയിൽ നിന്ന് പുറപ്പെടുന്ന ട്രെയിൻ നമ്പർ 13352 ആലപ്പുഴ-ധൻബാദ് എക്സ്പ്രസ് കോയമ്പത്തൂർ ജംഗ്ഷന് പകരം പോദനൂർ ജംഗ്ഷൻ - ഇരുഗൂർ വഴി തിരിച്ചുവിടപ്പെടും. യാത്രക്കാരുടെ സൗകര്യത്തിനായി പോദനൂർ ജംഗ്ഷനിൽ ട്രെയിനിന് സ്റ്റോപ്പ് ഉണ്ടാവും.

* ട്രെയിൻ നമ്പർ 12678 എറണാകുളം ജംഗ്‌ഷൻ-കെഎസ്ആർ ബെംഗളൂരു എക്‌സ്‌പ്രസ്  സെപ്റ്റംബർ ആറിന് രാവിലെ 09.10 മണിക്ക് എറണാകുളത്ത് നിന്ന് പുറപ്പെട്ട് പോദനൂർ ജംഗ്ഷൻ - ഇരുഗൂർ വഴി തിരിച്ചുവിടപ്പെടും. യാത്രക്കാരുടെ സൗകര്യത്തിനായി പോദനൂർ ജംഗ്ഷനിൽ ട്രെയിനിന് സ്റ്റോപ്പ് ഉണ്ടാവും.

* ട്രെയിൻ നമ്പർ 06819 ഈറോഡ് ജംഗ്ഷൻ-പാലക്കാട് ടൗൺ മെമു സെപ്റ്റംബർ ആറിന് രാവിലെ 7.15ന് ഈറോഡ് ജംഗ്ഷനിൽ നിന്ന് പുറപ്പെട്ട് പോദനൂർ ജംഗ്ഷൻ - ഇരുഗൂർ വഴി തിരിച്ചുവിടപ്പെടും. യാത്രക്കാരുടെ സൗകര്യത്തിനായി പോദനൂർ ജംഗ്ഷനിൽ ട്രെയിനിന് സ്റ്റോപ്പ് ഉണ്ടാവും.

* ഈറോഡ് ജംഗ്ഷൻ വിട്ട് സെപ്റ്റംബർ 6, 2024-ന് രാവിലെ 7.15ന് ഇരുഗൂർ വഴിയും പോഡനൂർ ജംഗ്ഷനിലൂടെയും വഴിതിരിച്ചുവിടപ്പെടും. സിംഗനല്ലൂർ, പിലാമേട്, കോയമ്പത്തൂർ നോർത്ത്, കോയമ്പത്തൂർ ജംഗ്ഷൻ എന്നിവിടങ്ങളിലെ സർവീസ് ഒഴിവാക്കും.

#trainupdate #salemdivision #kerala #tamilnadu #travelalert #indianrailways